ខេត្តប៉ៃលិន ៖ អ្នករស់នៅក្នុងក្រុងប៉ៃលិនសម្តែងការព្រួយបារម្ភយ៉ាងខ្លាំង ចំពោះបញ្ហាសុវត្ថិភាព អសន្តិសុខក្នុងសង្គម ខណៈល្បែងស៊ីសងកន្ទុយលេខឆ្នោត ត្រូវបានគេបើកលេងយ៉ាងគគ្រឹកគគ្រេង នៅតាមភូមិ-ឃុំ ជាពិសេសក្នុងផ្សារសាលាក្រៅ ផ្សារព្រំ និងផ្សារសាមគ្គី ហៅប៉ាហ៊ី ដោយអ្នកញៀនល្បែងមួយចំនួនអះអាងថា ពួកគេលេងឆ្នោតខ្មែរមានច្បាប់ត្រឹមត្រូវ ។
ចំណែកឆ្នោតអត់មានច្បាប់ ពួកគេបង់ប្រាក់ឱ្យសមត្ថកិច្ចពាក់ព័ន្ធជារៀងរាល់ខែ បើសិនជាខានបង់តែកន្លះខែ ឬ១ខែ ត្រូវគេចាប់ឃាត់ខ្លួនយកប្រាក់ ម្នាក់ៗស្ទើរអស់រនូតរនាប ពោលគឺអស់រាប់ពាន់ដុល្លារឯណោះ រួចដោះលែងបន្តឱ្យលេង ដើម្បីឱ្យលេងបន្តស្រង់ដើមឡើងវិញ ។
ប្រភពពីអាជ្ញាធរមូលដ្ឋានក្រុងប៉ៃលិនបានបង្ហើបឱ្យអ្នកសារព័ត៌មានដឹងថា រហូតមកដល់បច្ចុប្បន្ននេះ ល្បែងកន្ទុយលេខឆ្នោតនៅតាមភូមិ-ឃុំ-សង្កាត់ និងតាមផ្សារនានាក្នុងខេត្តប៉ៃលិន ជាពិសេសក្នុងផ្សារសាមគ្គី ហៅប៉ាហ៊ី ត្រូវគេបើកលេងជាចំហរយ៉ាងគគ្រឹកគគ្រេង ដោយគ្មានខ្លាចញញើតនឹងច្បាប់ ឬសមត្ថកិច្ចបន្តិចឡើយ ដោយមានមេឆ្នោតធំៗជាច្រើននាក់ ហើយអ្នកខ្លះអះអាងថា ពួកគេបានបង់លុយកាក់ឱ្យសមត្ថកិច្ចគ្រប់ស្ថាប័នរួចរាល់អស់ហើយ ។
ប្រភពបន្តទៀតថា ក្នុង១ខែៗមេឆ្នោតទាំងអស់ បង់មិនតិចនោះឡើយ តែបើភ្លេចបង់កន្លះខែ ឬមួយខែ នឹងត្រូវសមត្ថកិច្ចចាប់យកទៅផាកពិន័យយ៉ាងចាស់ដៃពោល គឺចាប់ពី១ពាន់ ដុល្លារឡើងទៅ ។ តែទោះបីជាយ៉ាងណាក៏ដោយ ពួកគេនៅមិនរាងចាលឈប់លេងដែរ ព្រោះចង់ស្រង់ដើមឡើងវិញ បន្ទាប់ពីសមត្ថកិច្ចចាប់យកទៅពិន័យរួចមក ។
អាជ្ញាធរបញ្ជាក់ទៀតថា បើចង់លុបបំបាត់ល្បែងស៊ីសង ឬល្បែងកន្ទុយលេខឆ្នោតនេះ មិនអស់នោះឡើយ ព្រោះអីសមត្ថកិច្ចជាអ្នកចាប់ជនល្មើសដាក់ខែជាមួយអ្នក លេងល្បែងអស់ហើយនោះ ។ ពួកគេនិយាយថា គ្មានទេភូមិ-ឃុំសុវត្ថិភាព មានតែទ្រឹស្តីប៉ុណ្ណោះ ។
This is dummy text. It is not meant to be read. Accordingly, it is difficult to figure out when to end it. But then, this is dummy text. It is not meant to be read. Period.
ConversionConversion EmoticonEmoticon